Bazuar në Udhëzimin nr. 571, datë 7.10.2022 “Për proçedurat e e rekrutimit të punonjësve psikologë/ punonjës social në strukturat publike shëndetësore”, të Ministrisë së Shëndetësisë dhe Mbrojtjes Sociale, Drejtoria Qendrore e Operatorit të Shërbimeve të Kujdesit Shëndetësor shpall konkursin për 1 (një)vend të lirë pune në pozicionin:
NJVKSH Tiranë
-Qendra Komunitare te Shendetit Mendor Nr.1- Punonjës Social Provizor
-Shtepitë e Mbështetura -Psikolog Definitiv
-QendraKomunitare te Shëndetit Mendor Nr.2 -Psikolog Klinik (për fëmijë dhe adoleshent) Provizor
-Qendra Socio- Shendetesore Nr. 9-Punonjës Social Definitiv
NJVKSH Kavajë
Qendra Shëndetësore 24/7 Rrogozhine -Psikolog/Punonjës Social Definitiv
NJVKSH Durrës
Qendra Shëndetësore24/7 Ishëm – Psikolog Provizor
APLIKIMI:
Afati i aplikimit është nga data 19.06.2025 deri më datë 26.06.2025 (përfshirë të dyja këto data).
Aplikimi kryhet në platformën on-line “Mjek për Shqipërinë”, në ndërfaqen “Psikologë” si dhe një kopje e dokumentacionit dërgohet pranë Drejtorisë Rajonale përkatëse me postë, ose dorazi.
Kriter për aplikim:
- Të ketë minimalisht diplomë universitare të nivelit”Bachelor” në degën Psikologji/Punë Sociale.
Diplomat të cilat janë marrë jashtë vendit, duhet të jenë njohur dhe njehsuar, sipas legjislacionit në fuqi, nga strukturat përkatëse.
Dokumentacioni i nevojshëm për aplikim:
Kandidatët e interesuar, regjistrohen në ndërfaqen ““Psikolog/Punonjës Social” në portalin “Mjek për Shqipërinë” dhe ngarkojnë në portal dokumentat si më poshtë:
- Jetëshkrimin e kandidatit (CV), (i detyrueshëm);
- Fotokopje e kartës së identitetit, (i detyrueshëm);
- Diplomën universitare dhe listën e notave. Për kandidatët që kanë studiuar jashtë vendit; diploma e tyre duhet të jetë e njohur nga Ministria e Arsimit dhe Sportit (e detyrueshme);
- Librezën e punës;
- Diplomën e nivelit master;
- Lejen e ushtrimit të profesionit (e detyrueshme);
- Dëshmi të kualifikimeve shkencore (gradë ose titull akademik/shkencor);
- Dëshmi të njohjes së gjuhës/ve të huaja;
- Çertifikatat e pjesëmarrjes në aktivitetet e edukimit në vazhdim të ndjekura brenda dhe jashtë vendit.
Vlerësimi i kandidatëve
Kandidatët do të vlerësohen për diplomën, përvojën në shëndetësi, gjuhën e huaj, trajnimet apo kualifikimet e lidhura me fushën dhe për intervistën me gojë.
Totali i pikëve për këtë vlerësim është 50 pikë, përkatësisht:
deri në 30 pikë vlerësimi i dosjes;
deri në 20 pikë vlerësimi i intervistës me gojë.
Komisioni i Vlerësimit, brenda tre ditë pune pas përfundimit të afatit të pranimit të aplikimeve, vlerëson dokumentacionin e paraqitur nga kandidatët dhe i njofton ata nëpërmjet adresës së e-mail-it, për pikët që kanë marrë nga vlerësimi i dosjes si dhe për datën dhe vendin e intervistës.
Intervista me gojë do të fokusohet mbi njohuritë mbi:
Ligjin nr.10 107, datë 30.3.2009 “Për kujdesin shëndetësor në Republikën e Shqipërisë”,
Ligjin nr. 44/2012 “Për shëndetin mendor”,
Vendim nr. 405, datë 20.5.2020 “Për miratimin e strategjisë së zhvillimit të shërbimeve të kujdesit shëndetësor parësor në Shqipëri 2020-2025”,
Ligjin Nr. 163/2014 “Për Urdhrin e Punonjësve Socialë në Republikën e Shqipërisë”
Ligji Nr. 40/2016, “Për Urdhrin e Psikologut ne Republikën e Shqipërisë”, i ndryshuar;
Kodi Etik Deontologjik i Psikologut/Punonjësit Social
Kodin e Etikës në administratën publike si dhe pyetje lidhur me sjelljen dhe situata hipotetike.
Njoftimi i kandidatëve dhe shpallja e pikëve.
Në përfundim, Komisioni i Vlerësimit, harton listën me pikët totale për çdo kandidat dhe i njofton ata për rezultatin nëpërmjet adresës së tyre të e-mail-it.
Kandidatët kanë të drejtën e ankimit për rezultatin brenda 2 (dy) ditëve nga dita e njoftimit të tyre.
Pas përfundimit të afateve të ankimimit dhe shqyrtimit të ankesave, Komisioni i Vlerësimit shpall renditjen përfundimtare të kandidatëve dhe e dërgon atë pranë DQOSHKSH-së e cila bën publikimin në portalin “Mjekë për Shqipërinë” në ndërfaqen “Psikologë”.
Kandidati, i cili në renditjen e përgjithshme sipas NJVKSH-ve është renditur me numrin më të madh të pikëve, ka të drejtën e zgjedhjes për vendet e lira të punës të publikuara në pozicionin “Psikolog/Punonjës Social” pranë institucioneve shëndetësore përkatëse.