Bazuar në Udhëzimin nr. 402, datë 14.05.2019, “Për procedurat e punësimit të mjekëve në institucionet shëndetësore publike në Republikën e Shqipërisë nëpërmjet platformës elektronike” Ministria e Shëndetësisë dhe Mbrojtjes Sociale shpall konkurimin e hapur për pozicione vakant,
- Mjek familje/ të përgjithshëm dhe mjek specialistë në qëndrat shëndetësore;
- Mjek specialistë në spitale,
Afati për aplikim 15 qershor 2019
Aplikimi do të kryhet në platformën on-line “Mjek për Shqipërinë”
1.Kandidatët duhet të plotësojnë kushtet për pranim si vijon:
- Të kenë diplomën e mjekut, mjekët specialistë edhe diplomën e specialitetit, të lëshuar nga institucioni i arsimit të lartë brenda apo jashtë shtetit, të njohura nga ministria përgjegjëse për arsimin;
- Të jenë të pajisur me lejen e ushtrimit të profesionit;
- c) Të mos jenë të dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
- d) Të mos jenë në marrëdhënie pune me një institucion shëndetësor publik që ofron direkt shërbim shëndetësor (qëndër shëndetësore/ spital).
2.Dokumentet e nevojshme për aplikim:
Kandidatët duhet të aplikojnë në platformën online sipas rajoneve për qëndrat/spitalet përkatëse, me dokumentat si më poshtë:
- Jetëshkrimin e kandidatit (CV);
- Librezën e punës;
- Diplomën universitare dhe listën e notave (e detyrueshme).Për kandidatët që kanë studiuar jashtë vendit, diploma e tyre duhet të jetë e njohur nga Ministria e Arsimit, Sportit dhe Rinisë;
- Diplomën e specializimit dhe listës së notave (e detyrueshme nëse pozicioni i punës është për mjek specialist);
- Lejen e ushtrimit të profesionit (e detyrueshme);
- Dëshmi të kualifikimeve pasuniveristare (gradë ose titull akademik/shkencor);
- Diploma dhe dëshmi të tjera kualifikimesh që lidhen me fushën;
- Dëshmi të njohjes së gjuhës/ve të huaja (nga institucione të njohura nga ministria e arsimit);
- Deklaratë për gjendjen gjyqësore (e detyrueshme), sipas shtojcës 3 të Udhëzimit nr. 402, datë 14.05.2019 ;
- Raporti mjeko-ligjor i tre muajve të fundit (i detyrueshëm në momentin e fillimit të detyrës).
3.Vlerësimi i kandidatëve
Kandidatët do të vlerësohen për diplomën, gjuhën e huaj, përvojën në shëndetësi, trajnimet apo kualifikimet e lidhura me fushën si dhe për intervisten me gojë. Totali i pikëveve për këtë vlerësim është 50 pikë, përkatësisht:
- deri në 45 pikë vlerësimi i dosjes;
- deri në 5 pikë vlerësimi i intervistës me gojë.
Intervista me gojë do të fokusohet mbi njohuritë për organizimin e sistemit shëndetësor në Republikën e Shqipërisë dhe Kodin e Etikës dhe Deontologjisë Mjekësore.
Për më tepër, për vlerësimin e kandidatëve lexo Udhëzimin nr. 402, datë 14.05.2019, “Për procedurat e punësimit të mjekëve në institucionet shëndetësore publike në Republikën e Shqipërisë nëpërmjet platformës elektronike”.
Komisioni i Vlerësimit, brenda pesë ditëve pune pas përfundimit të afatit të pranimit të aplikimeve, vlerëson dokumentacionin e paraqitur nga kandidatët dhe brenda dy ditëve njofton datën për intervistën me gojë.
4.Njoftimi i kandidatëve dhe shpallja e pikëve
Komisioni i Vlerësimit harton listën me pikët totale për çdo kandidat dhe i njofton ata për rezultatin nëpërmjet adresës së tyre me email.
Kandidatët kanë të drejtën e ankimit për rezultatin brenda tre ditëve nga dita e njoftimit të tyre. Ankesa bëhet përmes portalit “Mjekë për Shqipërinë” në adresën e kontaktit në këtë faqe.
Pas përfundimit të afateve të ankimimit dhe shqyrtimit të ankesave, Komisioni i Vlerësimit shpall renditjen e kandidatëve në portalin “Mjekë për Shqipërinë” dhe dërgon emrat e fituesve/fituesin pranë Drejtorisë Rajonale të OSHKSH ose institucioneve qëndrore shëndetësore.”